الأربعاء، فبراير 22، 2012

لحظة هجر



لحظة هجر

في لحظة هجر       وقبل الفجر

جات  بتقول ياريت نبعد

عشان قلبي          وعشان قلبك

يعيشو في ظروف اسعد

من غير ما احس    وافقت بهمس

وقلت هعيش مع ذكرياتي

وعشان الوعد         وطول البعد

قررت اكتب يومياتي

في اول يوم       بقيت مهموم

ومش عارف نهار من ليل

بقيت رحال            ودمعي سال

وشفت عذاب يهد الحيل

وكنت بقول          ده مش معقول

اكيد هي بتتالم

بعادها هلاك              وهي ملاك

بتبكي من غير ماتتكلم

وعدا اليوم                وسابلي هموم

لو شالها جبل يتهد

ورغم عذابي             فتحت كتابي

وقلت اكتب واوفي بشئ من الوعد

ليست هناك تعليقات: